Walang mapagsidlan ng tuwa si Matteo Guidicelli kamakailan, matapos siyang handugan ng kanyang mga kasama sa Happy Yipee Yehey! nang isang nakaka-touch na birthday tribute. Bilang pasasalamat hindi lamang sa mga co-host sa noontime show kung maging sa kanyang masugid na mga tagahanga, damang-damang inawit ni Matteo ang “Ikaw Lang Ang Mamahalin,” at personal na pinasalamatan ang mga taong nasa likod ng kanyang tagumpay sa showbiz.Iba’t ibang regalo ang tinanggap ni Matteo mula sa kanyang mga co-hosts at sponsors. Kitang-kita sa kislap ng kanyang mga mata ang saya na nadarama niya noong hipan niya ang mga kandila sa anim na cakes na representasyon ng anim na letra sa kanyang pangalan. Biro pa nga ni Randy Santiago kung mai-hihipan ni Matteo ang lahat ng kandila ng sabay-sabay, magwawagi umano siya ng P100,000 ala One Time Big Time.
Nang tanungin ni Mariel Rodriguez kung ano pa bang bagay ang ginagawa ni Matteo na lingid sa kaalaman ng nakararami, buong-pusong isiniwalat ng promising young actor ang kanyang pagiging mapagmahal na amo. “Hindi alam ng mga tao na during my past time, dinadala ko yung mga driver at kasambahay namin sa sinehan at sa spa para ma-experience din nila how to have fun,” ani Matteo.
Si John Pratts naman, pabirong nagtanong kung kanino ba talaga dedicated ang “Ikaw Lang Ang Mamahalin” na inawit ni Matteo. “Ano ka ba?,” nakaka-intrigang sagot ni Matteo. Puring-puri naman ni Toni Gonzaga ang pagiging masipag ni Matteo. “Everyday, ibinibigay talaga ni Matteo ang 100% niya para sa show na ito,” ani ni Toni.
Sa isang interbyu pagkatapos ng show inamin ni Matteo na sobra-sobrang birthday gift sa kanya ang kaliwa’t-kanang projects na buong-pusong ipinagkatiwala sa kanya. Aniya bukod-tanging pasasalamat ang maibibigay niya sa lahat ng kanyang mga tagahanga.
“I can’t ask for more. Unang-una, yung Catch Me I’m In Love, which is my first movie ever is doing very very good. And of course I’m blessed to be a part of Happy Yipee Yehey!. I’ve always wanted to make people laugh and make them happy,” pahayag ni Matteo.
At nang tanungin kung gaano niya nae-enjoy ang pagiging bahagi ng Happy Yipee Yehey, ito ang naging sagot ni Matteo: “Super! In the beginning I was intimidated because this is my first noontime show. But every time I come here in the morning there’s this positive feeling. Masaya kaming lahat palagi. We never felt any tension. It’s always fun and happiness.”
Talaga nga namang walang patid na saya ang hatid ng pinakabagong kabarkada sa tanghali, kasama sina Randy Santiago, John Estrada, Mariel Rodriguez at Toni Gonzaga, at sina Bianca Manalo, Melai Cantiveros, Matteo Guidicelli, John Pratts, Jobert, Bentong at Sam Milby.
Huwag palampasin ang Happy Yipee Yehey na araw-araw nang mapapanood mula Lunes hanggang Sabado, pagkatapos ng Showtime sa ABS-CBN. Bida Best Kapamilya!
Photo courtesy of Allan Sancon.
