Kung naantig at kinagiliwan niyo sina Santino, Momay, at Mutya, tiyak mapapamahal din kayo sa pagdating ng pinakabagong anghel na tutunaw sa inyong mga puso simula ngayong Lunes (April 4)— si Frijolito.Kilalanin ang batang bagamat nangungulila sa amang hindi pa nakakagisnan,ay walang anumang bakas ng galit o kasamaan at sa halip pawang pagmamahal at kagandahang loob lamang ang pinapakita sa lahat.
Isang mariachi singer ang kanyang inang si Margarita habang ang kanyang tunay na ama na si Ignacio ay kakatapos lamang mag-aral ng medisina ng mabago ang kanilang buhay dahil sa isang gabi ng pagkakamaling kanilang pinagsaluhan. Malaki ang pagsisisi ni Margarita sa pangyayari ngunit tila habangbuhay niya na itong dadalhin sa kanyang alaala dahil nag-iwan ito sa kaniya ng isang permanenteng bakas—isang sanggol.
Papalakihin mag-isa ni Margarita ang anak na pinangalanan niyang Frijolito at matapos ang anim na taon, magkukrus sa unang pagkakataon ang landas ng bata at ng kanyang tunay na amang si Ignacio.
Ano ang mangyayari sa muling paghaharap ni Margarita at Ignacio? Mapapatawad niya pa kaya ito? Paano haharapin ni Frijolito ang amang ngayon niya lang makikilala?
Tampok sa bilang boses ni Frijolito ang Goin’ Bulilit kid na si Angelo Garcia kasama rin ang iba pang celebrity kid dubbers na sina Miguel de Guzman, Angel Sy at Hopia.
Huwag palalampasin ang pagsisimula ng makulay na kuwento ni Frijolito, 4PM sa ABS-CBN.
