Hindi na talaga mapipigilan pa ang patuloy na pagsikat Star Power Final 5! Libo-libong mga tagasuporta nila kasi ang dumagsa kani-kaniyang homecoming concerts na idinaos kamakailan. Sa pagbuhos ng suporta mula sa kanilang mga kababayan, pinatunayan nila na sila’y karapat-dapat manatili at maging Sharon’s Next Female Pop Superstar.Sa dami ng taong dumalo sa kanilang homecoming concerts, hindi mapagkakailang naging mainit ang pagtanggap kina K-La sa Lubao Pampanga, Krissel sa Matina Town Square Davao, Monica sa Ormoc Leyte Town Plaza, Akiko sa Lapu-Lapu Sports Center Cebu at Angeline sa Dapitan Sports Center sa Sampaloc, Maynila.
Tunghayan ngayong Linggo, pagkatapos ng Rated K sa ABS-CBN, kung paano inabangan at sinalubong ang Star Power girls ng kanilang mga tagahanga mula sa kani-kanilang mga hometown sa Luzon, Visayas at Mindanao. Maliban sa kanilang homecoming concerts, naging patok na patok din ang Star Power 5 sa jam-packed concert ng ASAP Sessionistas kamakailan sa Big Dome.
Bilang pasasalamat sa taus-pusong suporta na kanilang natanggap, isang na namang musical showdown, na maituturing na “Philippines’ finest” ang handog ng Star Power 5 ngayong Linggo.
Palapit na ng palapit ang grandfinals at lalo pang umiinit ang kumpetisyon. Sino kaya kina Akiko, ang Sweet and Sexy Siren; K-La, ang R&B Sweetheart; Monica, ang Charming Biritera; Angeline, ang Pop Belter; at Krissel ang Soulful Diva, ang magniningning ng husto at tatanghaling Sharon’s Next Female Pop Superstar.
Para iboto ang iyong paboritong contestant, i-text lang ang SPOWER at i-send to 2331 para Globe, TM, and Sun Cellular subscribers at 231 para naman sa Smart and Talk ‘N Text subscribers.
Para sa bulk voting, i text ang SPOWER BULK —Globe, Touch Mobile, Smart and Talk and Text and Sun Cellular—sa 2366.
Abangan at huwag palampasin ang kauna-unahang search ni Sharon para sa Next Female Pop Superstar ngayong Linggo, pagkatapos ng Rated K sa ABS-CBN. Panoorin din ang nalalapit na concert ng ASAP Sessionistas sa Pebrero 5, Sabado, 8 p.m. sa Araneta Coliseum.
Para sa mga updates, mag-logon sa starpower. abs-cbn.com at i-follow andang spowerofficial sa Twitter at starpowerofficial sa Facebook!
